RBI Rules: बँकेत पैसे ठेवणे सर्वसामान्यांसाठी सुरक्षित पर्याय मानला जातो. परंतु, बँक दिवाळखोरीत गेली किंवा तिच्यावर कारवाई झाली, तर आपल्या पैशांचे काय होते? रिझर्व्ह बँक ऑफ इंडियाच्या (RBI) नियमांनुसार, प्रत्येक खातेदाराला ठेवींच्या संरक्षणासंदर्भात ठराविक मर्यादेत हमी दिली जाते.
बँकेत किती पैसे ठेवू शकता?
RBI च्या नियमानुसार, ग्राहकांना हवे तितके पैसे बँकेत ठेवता येतात. मात्र, बँकेला आर्थिक नुकसान झाले किंवा ती बंद पडली, तर पूर्ण रक्कम परत मिळेलच असे नाही. समजा, बँकेत चोरी किंवा दरोडा पडला तरीही बँक तुमच्या संपूर्ण रकमेची हमी देत नाही.
बँक किती पैसे परत करेल?
डिपॉझिट इन्शुरन्स अँड क्रेडिट गॅरंटी कॉर्पोरेशन ॲक्ट 1961 नुसार, बँकेत ठेवलेल्या रकमेची हमी केवळ 5 लाख रुपयांपर्यंत दिली जाते. म्हणजेच, तुमच्या खात्यात 10 लाख रुपये असले तरी बँक कोलमडल्यास तुम्हाला फक्त 5 लाख रुपये मिळतील. उर्वरित रक्कम बुडण्याची शक्यता असते.
RBI नियम काय सांगतो?
- कोणतीही बँक केवळ 5 लाख रुपयांपर्यंतच्या ठेवींची हमी देते.
- तुमच्याकडे अनेक बँक खाती असली तरी एका बँकेत ठेवींसाठी ही मर्यादा 5 लाख रुपयांचीच आहे.
- ही रक्कम बचत खाते, चालू खाते किंवा ठेवी (FD) यास लागू होते.
New India Co-operative Bank वर कारवाई
रिझर्व्ह बँकेने न्यू इंडिया को-ऑपरेटिव्ह बँकेवर 6 महिन्यांसाठी बंदी घातली आहे. या कारवाईनंतर ग्राहकांना पैसे काढण्यासही मज्जाव करण्यात आला आहे. त्यामुळे अनेक ग्राहक अडचणीत सापडले आहेत.
बँकेत पैसे ठेवताना सतर्क राहा आणि सुरक्षित पर्याय निवडा!
सोनाली कदम या एक कुशल आणि अनुभवी पत्रकार असून, त्यांना मुंबईतील पत्रकारिता आणि मास कम्युनिकेशनमध्ये पदव्युत्तर शिक्षणाचा भक्कम आधार आहे. गेल्या 10 वर्षांपासून त्यांनी विविध नामांकित डिजिटल माध्यमांमध्ये काम करत शेती, मनोरंजन, अर्थ, राजकारण, खेळ आणि तंत्रज्ञान यांसारख्या विषयांवर व्यापक अनुभव आणि सखोल ज्ञान मिळवले आहे. त्यांचा अभ्यासपूर्ण दृष्टिकोन आणि कामातील समर्पण यामुळे त्या वाचकांच्या मनात विश्वासार्हता आणि लोकप्रियता निर्माण करण्यात यशस्वी ठरल्या आहेत.